Pages

Monday 27 October 2008

တႜဂုဏ္အၥာအာနႏၵ


ပတုိန္ဂုဏ္စရာဲ တႜဂုဏ္အၥာအာနႏၵ
ညးမကလိဂံြတဆိပ္ၾကာ ပါဠိပါရဂူ


ပြမသႜးဂ၀္ဂႝၜမိ
နာဲအာနႏၵ၀ံြ ဿသကၠရာဇ္ ၁၃၃၆ သႝာံ၊ ဂိတုစဲ ၁ ေစြက္၊ တၝဲအဒုိတ္ဂွ္ သႜးဂ၀္ဂႝၜမိ ဿလတူဍဳင္ေရ၀္၊ အရာပ္ယာန္မ်ဳဪအံင္(ရန္မ်ဳိးေအာင္)ရ၊ မိမအနႏၱဂုဏ္ဂမႜဳိင္ဂွ္ နာဲေဒန္ယွဳိယ္-မိခ်၀္ေ၀န္တအ္ မဒွ္ရ၊ ေပႝာ၀္ကုဪေကာန္မြဲမိဂွ္ ဒွ္ေကာန္ေဇႝာ္အုိတ္ တုဲ ယၞဳခရွ္ဂွ္ မာံအံင္နာင္ဥဴရ။

ကဆံင္ပညာေခတ္
ဿသကၠရာဇ္ခေရတ္ ၁၉၈၀ ကလိဂံြအာယုက္ ၅ သႝာံဂွ္ စမံင္ဘာတန္ ဿကုဪ ဍဳင္ေရ၀္ရ၊ ႏူကုဪစမံင္ဘာ ေသၢာံအံင္ဇႝးေကတ္ ဇၞာပ္ဇၞာပ္သႝာံတုဲ ဿသကၠရာဇ္ ၁၉၈၈ ဂွ္ ကလိဂံြအာစုိပ္ ၈ တန္၊ ဿကုဪသႝာံဂွ္ေဟင္ ပေရင္ဍဳင္ကြာန္ ကလုိက္ကမုဪတုဲ ဿကုဪစၞတ္တၝဲ ၉.၈.၈၈ ဂွ္ ဘာတန္ကၞာတ္အာတုဲ တႜဂုဏ္ အာနႏၵေလ၀္ ဒးေဒါအ္ေထာံဘာတန္ ဿသႝာံဂွ္ကုီရ၊ အခိင္ေဒါအ္ဘာတန္ဂွ္ ဂံြအာယုက္ ၁၃ သႝာံျပင္ျပင္ရ၊ အခိင္မံင္ဘာတန္၀ံြ ေကင္ကလိဂံြကႜဳင္ လာပ္ ပထမတုဲ ဿကုဪခဒမ္ ကြးဘာမႝဳံကုဪညာဏ္သေကက္သကာဂွ္ေလ၀္ ေသၢာံ ေကင္မံင္ကႜဳင္ လ၀္ကုီရ။

ပြမအာစုိပ္ ဒဒွ္ဘ၀ခမှ၊သာမဏှ
ဿကုဪသကၠရာဇ္ ၁၃၅၁ သႝာံ၊ ဂိတုေဇွ္ ၄ ေစြက္ဂွ္ အာစုိပ္ဒဒွ္သာမဏှ ဿဘာခ႐ုိက္သာံ ဍဳင္ေရ၀္ရ၊ အၥာဥပၸဇၨ်ာယ္ သၸကုဪသာမဏှဂွ္ က်ာ္ေဇႝာ္အၥာတႜ ဘဒၵႏၱေကတုမတှ(က၀ိဓဇ၊ အဂၢမဟာပ႑ိတ၊ G.E.C သှရိလကၤာ)မဒွ္ရ၊ က်ာ္ေဇႝာ္အၥာတႜ ဘဒၵႏၱေကတုမတှဂွ္ ဒွ္မသ ေတႝာ၀္ဒေတာ၀္တႜဂုဏ္အၥာ အာနႏၵကုီရ၊ ဿသကၠရာဇ္ ၁၃၅၆၊ ဂိတုစဲ ၁၁ ေစြက္ဂွ္ အာစုိပ္ဒဒွ္ခမှပယ်င္မျပဲ ဿဘာခ႐ုိက္သာံ ဍဳင္ေရ၀္ဂွ္ပႜန္ရ၊ အၥာဥပၸဇၨ်ာယ္ဂွ္ က်ာ္ေဇႝာ္အၥာဘဒၵႏၱနာဂိႏၵ၊ ဒါယကာပယ်င္ဂွ္ အပါေဇႝာ္နာဲယွိင္-မိေဇႝာ္မိေဒန္တအ္ကုီ သုီကုဪမအံက္ နာဲေဒန္ယွဳိယ္ကဪု မိအံက္မိခ်၀္ေ၀န္တအ္ မဒွ္ရ၊

အၥာအနႏၱဂုဏ္ဂမႜဳိင္
ေကင္ဆုိက္ဗၵက္ နိႆဲကႜဳင္ကုဪ အၥာဗြဲမဂႜိဳင္ရ၊ ဿကုဪဘာခ႐ုိက္သာံ ဍဳင္ေရ၀္၀ံြ နိႆဲကႜဳင္ကုဪဇေရင္ က်ာ္ေဇႝာ္အၥာတႜဘာခ႐ုိက္သာံ ဘဒၵႏၱေကတုမတှ(က၀ိ ဓဇ၊ အဂၢမဟာပ႑ိတ၊ G.E.C သှရိလကၤာ)၊ ဘဒၵႏၱနာဂိႏၵ၊ တႜဂုဏ္အၥာဇ၀န တအ္ရ၊ ဿကုဪတုိက္လိက္ ဘာသှရိမဂၤလဍဳင္ေရ၀္ဂွ္ နိႆဲကႜဳင္ဿဇေရင္ က်ာ္ ေဇႝာ္အၥာဘဒၵႏၱေမာေနယ်(ဓမၼကထိက)၊ ဘဒၵႏၱေရ၀တ(တံင္ပရင္)၊ တႜဂုဏ္ အၥာကုမာရ၊ တႜဂုဏ္အၥာသှရိမာလာ တအ္ကုီရ၊ ဿကုဪဘာဗေဂါပရိယတၱိမန္ ဍဳင္မတ္ မလုီဂွ္ နိႆဲကႜဳင္ဇေရင္ က်ာ္ေဇႝာ္အၥာဘဒၵႏၱသှလာစာရ(ဓမၼာစရိယ၊ အဂၢ မဟာဂႏၳ၀ါစကပ႑ိတ)၊ တႜဂုဏ္အၥာပါလရာမည(ဓမၼာစရိယ L.L.B, DIP IN ENGLISH)၊ တႜဂုဏ္အၥာသှရိ၊ တႜဂုဏ္အၥာသစၥာကာရ တအ္ကုီ၊ ဿကုဪဘာဗုဪလၝီ ဍဳင္လဂုင္ဂွ္ ဇေရင္က်ာ္ေဇႝာ္အၥာ ဘဒၵႏၱေကသရ(ဓမၼာစရိယ ဒုတိယအက်၀္)၊ တႜဂုဏ္အၥာသိပၸံတအ္ကုီ၊ ဇေရင္တႜဂုဏ္အၥာသုႏၵရ(အၥာလိက္ ဘာခ႐ုိက္သာံ)၀ံြကုီ ေကင္နိႆဲဆုိက္ဗဒက္ကႜဳင္ ဗြဲေတၞင္ကုီရ။

စပ္ကုဪတန္ဓမၼာစရိယတုဲ အၥာေကင္နိႆဲကႜဳင္ဂမႜဳိင္ဂွ္
ဘဒၵႏၱေကသရ တုိက္ လိက္ပရိယတၱိမန္ ဘာဗုဪလၝီ ဍဳင္လဂုင္၊ ဘဒၵႏၱသု၀ဏၰ(ခ)ဘဒၵႏၱေထရာ နႏၵ ဘာျမာင္ ဍဳင္မတ္မလုီ၊ ဘဒၵႏၱ၀ိသာရဒ၊ ဘဒၵႏၱေကလာသ ကအ္ဗိန္ ဘာေဇႝာ္တအ္ မဒွ္အုိတ္ရ။

စပ္ကုဪတန္၀ိနယပါဠိပါရဂူတုဲ အၥာေကင္နိႆဲကႜဳင္ဂမႜိဳင္ဂွ္
ဘဒၵႏၱ၀ါရ(မဟာဂႏၳ ၀ါစကပ႑ိတ)၊ ဘဒၵႏၱေကာ႑ည ဘာကၞာဆီ ဍဳင္လဂုင္၊ ဦးေအာင္ခုိင္(ပါဠိ ဂုဏ္ထူး)တအ္ မဒွ္အုိတ္ရ။

အံင္ဇႝးကႜဳင္ကဆံင္ပညာ ေတၞင္ဂုဏ္ဂမႜိဳင္
ဿကုဪဂေကာံအလုဪသှဂွ္ ေကင္ဂံြကႜဳင္လာဘ္ဒုတိယအလုံပြိဳင္ဍဳင္ ဿကုဪတန္မူလရ၊ ဿကုဪဂေကာံရာမညနိကာယ အလုံတြဳဪရးမန္ဂွ္ ဂံြအံင္ဇႝးကႜဳင္တန္ေဇႝာ္ လာဘ္ပထမ၊ တန္ေဒါ၀္ လာဘ္ဒုတိယ၊ တန္ေဍာတ္ လာဘ္ဒုတိယရ၊ ဿကုဪဂေကာံသမဂၢါသာသေနရတာ ဘာကႜအ္ပႝဟ္ မုဟ္ဍဳင္ဂ္ွ ေကင္ဂံြကႜဳင္ တန္ေဇႝာ္ ပထမ၊ တန္ေဒါ၀္ ပထမ၊ တန္ေဍာတ္ ပထမ ကုီရ၊ ဿဂေကာံပရိယတၱိေကာ၀ိဒ တံင္ပရင္ဂွ္ အံင္ဇႝးကႜဳင္တန္ေဒါ၀္ နကုဪလာဘ္ ပထမ ပႜန္ရ၊ ဿကုဪဂေကာံပရိယတၱိသာသနာႏုဂၢဟ ဂေကာံဂုိဏ္ျမာင္ ဍဳင္ေရ၀္၀ံြ အံင္ဇႝးကႜဳင္ တန္ေဒါ၀္ ပထမ၊ တန္ေဍာတ္ ပထမ၊ တန္မူလ တတိယ သာ္၀ံြ အံင္ဇႝးကႜဳင္နကုဪလာဘ္ေတၞင္ကုီရ၊ ဿကုဪဂေကာံၾတးလ်းအဘိဓ၀္က်ာ္ ဍဳင္ေရ၀္ဂွ္ ဒုတိတ(သေကက္သကာ)၊ တန္တတိယ ေတၞင္ဂုဏ္၊ တန္စတုတၳ ေတၞင္ဂုဏ္၊ နကုဪလာဘ္ေတၞင္သာ္၀ံြ အံင္ဇႝးကႜဳင္တုဲ ဿကုဪေပဲါသၞာန္သြဟ္လိက္ အလုဪသှ ၁၉၉၈ ဂွ္ ေသၢာံအံင္ဇႝးေကတ္တန္ေဇႝာ္ နကုဪလာဘ္ေတၞင္ဒုတိယ အလုံကၞိန္ဍဳင္ဗၞာမြဲရ။

ဿသကၠရာဇ္ ၁၃၆၂ သႝာံဂွ္ ဂံြအံင္ဇႝးျပကုိဟ္တမ္ပိျပကုိဟ္တုဲ ကလိဂံြတဆိပ္ ၾကာ သာသနဓဇ ဓမၼာစရိယရ။
ဿသကၠရာဇ္ ၁၃၆၅ သႝာံဂွ္ ျဇိဳင္ကုဪကလိဂံြ တဆိပ္ေတၞင္မြဲ ေကာ္ဂး ၀ိနယ ပါဠိပါရဂူဂွ္ ဂံြ႓ွ္ေကတ္ ဗြဲမအံင္ဇႝးရ။

အနာဂတ္မန္

Read More...

Sunday 5 October 2008

ပြမအီဂွ္ ဒွ္ဘာသာဂႜးက၀္ရ



ဿကုဪဍဳင္လုိက္ဏအ္ ပြမအီဂွ္ ဒွ္အရာကိစၥေဇႝာ္ေဇႝာ္မြဲရ။ ဿအရာဆက္ေဆာံကုီ၊ ဿအရာပေရင္ကေမႜာန္ပုိန္ျဒပ္ကုီ၊ ဿအရာကြာ္တရၜ သဗၺနာနာ ပြမဟုီဂွ္ ဒွ္အရာကိစၥေဇႝာ္ ဒွ္ပဓာနဗြဲမေလာန္၊ ပုိယ္မႝိဟ္တအ္ မိက္ဂံြဆုဪညာတ္ညးသၠအ္ အီအီၿဂိဳင္ၿဂိဳင္လၞိဳန္ရ။ ဂံြဆုဪညာတ္မံင္ညးသၠအ္ အီအီဟုီေတွ္ အဿစုိတ္ပုိယ္ေတံ အလုဪလုဪ ဒွ္ကႜဳင္ပှတိ မိပ္ျမဟ္ကႜဳင္ေကတ္ေကတ္ရ။ ညာတ္မံင္ညးသၠအ္ ထေညာန္ထေညာန္ၿဗီၿဗီေတွ္ မႝိဟ္ညာတ္ဂွ္ေလ၀္ စုိတ္ဟံြမိပ္ရ။ စုိတ္ဂံြမိပ္ သုီညး႓ါလပၚေတွ္ အဿမုက္မတ္ပုိယ္ဂွ္ စ႐ွ္လ၀္ေဍာင္ပၠၜ အီအီလၞိဳန္ညိ။ မႝိဟ္မြဲ ဂကူကုဪမြဲဂကူ၊ မြဲဘာသာကုဪမြဲဘာသာ ႓ုိန္ဟံြကႜိဳဟ္ခႜင္ အေရ၀္၊ဘာသာ ညး သၠအ္ကုီေလ၀္ ညးမြဲကုဪညးမြဲ ဆုဪညာတ္ညးသၠအ္ အီထ႟းကုဪညးသၠအ္ မာန္မံင္ေဏာင္ဟုီေတွ္ အယာံမာတ္ဂံြညာတ္ညးသၠအ္ဂွ္ မိပ္မံင္စုိတ္ရ။ ဒုင္ တႜဳင္မံင္ညးသၠအ္ရ၊ မိက္ဂံြဆက္မံင္မိတ္ညးသၠအ္ရဂွ္ အဓိပၸါယ္ေဍံ အာစုိပ္ ဒၞံင္ရ။

႓ုိန္ရယုိက္ဒိုက္ထံက္ပင္ညးသၠအ္ နကုဪကေပါတ္၀တၳဳဒဗၺရ ထ၀္ၾသန္ဟံြမာန္ ကုီေလ၀္ ခ်ဳိန္ခဏညာတ္ညးသၠအ္ ယ၀္ရအီထ႟းကုဪမာန္မၢး ေျပဒၞံင္စုိတ္ရ။ ႓ုိန္ဆာန္ညးသၠအ္ ဟံြမာန္ကုီေလ၀္ ယ၀္ရဟံြကႛဳဟ္ညးသၠအ္ စံြစုိတ္မဇၨ်ဟ္ မာန္မၢး မိပ္ဒၞံင္စုိတ္ရ။ ဆဂး ယ၀္ရဆာန္ညးသၠအ္မာန္၊ ႐ုီဗင္၊ယုိက္ဒုိက္၊ ထံက္ပင္ညးသၠအ္မာန္မၢး ခုိဟ္လတူခုိဟ္ ညံင္ရၜလတူထ၀္ဂွ္ ဖႛဳန္စံြလ၀္မတ္ မႝိက္ကုီရ။ အီမာန္ေတွ္ မုက္မတ္ေလ၀္ေက်၀္ က်ာ္ႀသှကြိဳန္ေလ၀္ႏံြ ၾသန္မြဲဂေတွ္ေလ၀္ဟံြအုိတ္ ႓ုိန္ဒွ္သာ္ဂွ္ကုီေလ၀္ ညးမြဲေကုာံညးမြဲ ညာတ္ ညးသၠအ္ ဂံြအီကုဪညးသၠအ္မာန္ဂွ္ ၿဇိဳင္ဒၞံင္စုိတ္ဖုိဟ္၊ ဒွ္၀ါတ္မံင္ဖုိဟ္။ မုဟုိတ္ ေရာဟုီေတွ္ စုိတ္ပုိယ္ညးမြဲေကုာံညးမြဲ ဟံြသႛိဳက္မႜိဳက္ညးသၠအ္၊ စံြမာန္မာန ညးသၠအ္၊ ေထင္ေသာဲမံင္ညးသၠအ္ အဿစုိတ္ေတံ ဓ၀္ဣစၧာ ဗုီဏအ္ႏံြမံင္ေတွ္ ညးမြဲေကုာံညးမြဲ ဂံြအီကုဪညးသၠအ္မာန္ဂွ္ ဟံြေလာဲသြာရ။ ဂံြအီကုဪညးသၠအ္မာန္ အဿသႏၳာန္ပုိယ္ေတံ ဓ၀္ေမတၱာ၊ က႐ုဏာ၊ မုဒိတာ၊ ဥေပကၡာတအ္ ႏံြမံင္မွ ဂံြအီကုဪညးသၠအ္ ေက်၀္ေက်၀္မာန္ရ။ ဗုီအေရ၀္အဂၤလိက္ ညးတအ္ဟုီစ `Smile is a universal language of kindness´ ပြမအီဟုီဂွ္ ဒွ္ဘာသာ ျဇဟာန္သႛိဳက္ဆာန္ ဂႜးက၀္မဒွ္ရ။

ယ၀္ရဓ၀္မပတံ ေမတၱာ၊ က႐ုဏာတအ္ဟံြမြဲမၢး အီဂွ္အီရ ဆဂး ဒွ္မံင္အီ မိက္ဂံြလီစႝာဲ၊ အီမာယာ၊ အီျပယာဲ လတူညးတႝဟ္ `Impure smile´ အီဟံြ သအးဇၝးရ။ မုက္မတ္ဂွ္ အီမံင္ဗုီေဗာဓိသတ္ရ၊ ဆဂး စုိတ္ဂွ္ ဒွ္မံင္စုိတ္ေဒ၀ဒတ္ အီဗုီျဗၜစရာဲဍဳင္၊ အီဗုီကမႜတ္ဒမႜ၊ အီဗုီရဲသံြဖ်ာ၊ အီမိက္ဂံြပတိတ္ပရဲ လတူညး မႝဳံကုဪေမတၱာတုဲ အီေဇတ္ေဇတ္ဟံြေသင္၊ မိက္ဂံြဂံြျဒပ္ညးတုဲ အီရ။ ဒွ္အီ ဟံြ သအးဇၝးရ။ အီဗုီရဲသံြဖ်ာတအ္ဟုီဂွ္ ပသဇုိင္ကုဪ ေမတၱာ၊ က႐ုဏာတအ္တုဲ အီဒၞံင္ဟံြေသင္ ဗြဲမဂႜိဳင္ေတွ္ ပသဇုိင္ကုဪဓ၀္ေလာဘတုဲ အီရ။ ရဲသံြဖ်ာလၝဳဪလၝဳဪဂွ္ ပသၠအ္ကုဪေလာဘတုဲ သႜဳင္ပတုိန္လ၀္ငၝဳဟ္မး ကေပါတ္ဖ်ာဇကု ႓က္အာႏူကုဪ ငၝဳဟ္ေထက္တန္ရ။ တီမံင္ဒဒွ္ရ ညးဒးစုိတ္ဒၞံင္ကေပါတ္ဖ်ာဇကုတုဲ ေကတ္အေခါင္ လတူညးဒးစုိတ္ဂွ္တုဲ သံြကေပါတ္ဇကုဍင္ဍင္ဂွ္ ဟံြတိတ္ဗႜးႏူဒုဟ္ အဒိႏၷာဒါနသိကၡာပုိဒ္၊ မုသာ၀ါဒသိကၡာပုိဒ္ရ။ လမ်ဳီညးေလ၀္ ဟံြဂစုိတ္၊ ျဒပ္ညးေလ၀္ ဟံြကႜတ္ဂးတုဲ ေကႜာန္စကေမႜာန္သံြရာန္ဖ်ာဂွ္ ဒွ္သမၼာအာဇှ၀ရေထင္၊ ယ၀္ရလီဠာန္ဒၞံင္ လတူညးရာန္ဖ်ာတအ္ဂွ္ေတွ္ ဟံြဒွ္သမၼာအာဇှ၀ေဟင္ရ။ ယ၀္ရသံြရာန္တပ္တပ္တးတးရေတွ္ ဒွ္သမၼာအာဇှ၀ ဟုီစမာန္ရ။ ညံင္ဂံြတိတ္ဗႜး ႏူကုဪဒုဟ္ဂွ္ စံြသတိအုိတ္ညိ။ ပုိယ္တအ္ မႝိဟ္ခုိဟ္ခုိဟ္ သုီဖအုိတ္ရ။ ဆဂး ပံင္ဒးကုဪ ဓ၀္ေလာဘ၊ မာန၊ အတၱ တအ္ဂွ္တုဲ ပုိယ္မႝိဟ္တအ္ ပေရံေစွ္၊ယုတ္သ၀္ေစွ္အာမာန္မံင္ဂွ္ မိက္ဂံြကုဪဓ၀္သတိရ။ ယ၀္ရသံြရာန္ကုဪ ေစတနာ၊ေမတၱာမၢးေတွ္ ပေရင္ပုိန္ျဒပ္ေလ၀္ဒွ္ ပါရမှကုသုဪေလ၀္ဒွ္ရ။

ဇကုပုိယ္ဒွ္တသုိက္ ဇကုပုိယ္ကလိဂံြလာပ္သကာတုဲ ဟံြစံြဓရ္ဣႆာ၊မေစၧ ရိယတုဲ ပြမအီတုိန္မာန္၊ မိပ္စုိတ္မာန္ဂွ္ ဒွ္ `Real smile real happiness´ အီဍာံဍာံ၊ မိပ္စုိတ္ဍာံဍာံ ေဇတ္ေဇတ္ရ။ ညံင္ရၜေဍာင္ သႝံင္တအ္ အီဒၞံင္ကုဪအကး၊ သၞိင္ဂိတုတအ္ အီဒၞံင္ကုဪဗတံ၊ သၞိင္တၝဲတအ္ အီထ႟းမံင္ကုဪ ဂႜးတိဏအ္ဂွ္ ညးတအ္အီထ႟းမံင္ ဗြဲမဍိဳက္ေပင္ကုဪ အဓိပၸါယ္ရ။ ယ၀္ရ သႝံင္၊ဂိတု၊သၞိင္တၝဲတအ္ ဟံြအီထ႟းမံင္ေတွ္ ေလာကပုိယ္ဏအ္ ဂႜဳဓုီအာရႏံြ၊ ပုိယ္တအ္ေလ၀္ ညးမြဲေကုာံညးမြဲ ယ၀္ရဟံြအီထ႟းကုဪ ညးသၠအ္မၢးေတွ္ ေလာကပုိယ္ဏအ္ ႐ုပ္သာ္ပေရံအာရႏံြ။

ပုိယ္တအ္ ႓ုိန္ရဒွ္မံင္ မႝိဟ္သာမညကုီေလ၀္ ယ၀္ရမံင္ ညံင္ရၜစုိတ္ၿဗဳီ၊ေဒၢတ္ၿဗဳီ မပတံကုဪ ေမတၱာ၊က႐ုဏာေတွ္ ပုိယ္ဒွ္မႝိဟ္ၿဗဳီရ။ ႓ုိန္ဒွ္မံင္မႝိဟ္ကုီေလ၀္ ညံင္ရၜသၞိင္ၿဗဳီကုီရ။ ႓ုိန္ဒွ္မံင္မႝိဟ္ကုီေလ၀္ ယ၀္ရမံင္တၜကုဪစုိတ္ ေလာဘ၊ ေဒါသ၊မာန၊အတၱတအ္မၢး ဒွ္မႝိဟ္သတ္တိရစၧာန္ရ။ ႓ုိန္ဒွ္မံင္မႝိဟ္ကုီေလ၀္ ညံင္ရၜသတ္တိရစၧာန္ရ။ ေလာဘ၊ေဒါသ၊အတၱ၊မာနတအ္ တုီကႜဳီမံင္ေတွ္ ဟံြေတၞင္တႝဟ္ျခာႏူကုဪ သတ္တိရစၧာန္ရ။ ပုိယ္ေကႜာန္ကေမႜာန္ မမိက္ကုဪမြဲမြဲ ပုိယ္ေကတ္ငၝဳဟ္လိင္ေဏာင္၊ ႓ုိတ္ေထက္တန္ ပသဇုိင္ကုဪဓ၀္ေလာဘတုဲ ေကတ္ရတီ။ ေကတ္ဗုီဏအ္ဂွ္ ရံင္အာသာမညေတွ္ ညံင္ရၜလက္သဏ္(+)ကုီ၊ ညံင္ရၜပံင္ဟလုိင္ဒၞံင္ျဒပ္ဇကု၊ ဍာံဍာံေတံဂွ္ ႏုက္ဖေအာန္ဒၞံင္ ပါရမှကုသုဪဇကုရ။ ပုိယ္ေကႜာန္ဏာ ဟံြေထက္ငၝဳဟ္လိင္ပုဟ္၊ ေကႜာန္ဏာနကုဪ ေစတနာျပဲျပဲသႜဳင္သႜဳင္ ေရင္တႜဳင္ဒတုဲဖုိဟ္ လတူညးတႝဟ္ရ။ ရံင္သာမညေတွ္ ညံင္ရၜကုဪမံင္ လက္သဏ္(-)၊ ညံင္ရၜႏုက္ဖေအာန္မံင္ ျဇဟတ္ကာယဇကု၊ ႏုက္ဖေအာန္မံင္ျဒပ္။ ဍာံဍာံေတံ ဟလုိင္ပတုိန္ဒၞံင္ ပါရမှကုသုဪဇကုဇကု သြက္ဘုံသြ၀္၊ၿဗဳီ၊နိဗၺာန္ အနာဂတ္မဒွ္ရ။

ညာတ္ေကတ္ဓ၀္ဍာံေတွ္ ဘ၀ပုိယ္ သာတုိန္၊သႜဳင္တုိန္ရ။ ဟံြညာတ္ဓ၀္ဍာံေတွ္ ဘ၀သြက္ဂံြသ၀္ေစွ္အာ၊ သြက္ဂံြၿဇိဳင္ေစွ္ရႏံြ။ `ဓ၀္ဍာံဂွ္ ညံင္ရၜသႝိင္ဆု လုပ္ႏံြ မံင္အဿဌာန္ဒမႜဳတအ္ကုီရ´ တၝဲဟံြတုိန္၊ဟံြတၞးကႜဳင္ေတွ္ သႝိင္ဆုဂွ္ မံက္တိတ္ကႜဳင္ ဟံြမာန္ရ။ ပုိယ္မႝိဟ္တအ္ေလ၀္ တုီကႜဳီမံင္ကုဪ ေလာဘ၊ေဒါသ၊မာန၊အတၱ တအ္ဂွ္ေတွ္ ဂံြညာတ္ဓ၀္ဍာံဂွ္ ၀ါတ္ဂါတ္ဒၞံင္ရ။ ေလာကပုိယ္ဏအ္ တုပ္ညံင္ရၜေဒၝါ၀္ကုီရ၊ ပုိယ္အီကုဪညးေတွ္ ညးကေလင္အီကုဪပုိယ္ရ။ ဗုီလုဪပုိယ္ႏံြပၞိက္ ကုဪညးဆက္ေဆာံကုဪပုိယ္ဂွ္ေရာ.. ဗုီပုိယ္ႏံြပၞိက္ ကုဪညးဆက္ေဆာံကုဪပုိယ္ဂွ္ ဆက္ေဆာံလတူညးညိ၊ ညးေလ၀္ ကေလင္ဆက္ေဆာံကုဪပုိယ္ ဗုီပုိယ္ဆက္ေဆာံ လတူညးရ။ ဣဏအ္ဂွ္ ဒွ္သဘာ၀ဓမၼတာရ။ ညးတႝဟ္အီကုဪဇကုကုီ၊ ဟံြအီကုဪဇကုကုီဂွ္ ဒွ္ပဓာနဟံြေသင္။ ဇကုညံင္ဂံြအီကုဪညးမာန္ဂွ္ လြှပရာညိ။ ဇကုအီကုဪညးမာန္ေတွ္ ညးကေလင္အီကုဪ ဇကုတြဳဪရ။ အီမာန္ေတွ္ အာယု၊၀ဏၰ၊သုခ၊ဗလေလ၀္ဍိဳက္ေပင္၊ ကြိဳန္က်ာ္ႀသှေလ၀္ ေဇႝာ္ေမာ၀္၊ (Make up)ေလ၀္ ဟံြဒးက်ဳိင္ အတုိင္သဘာ၀ပကတိ မဒွ္ရ။ ဟံြပေတွ္ေတွ္ ကႜတ္အီထ႟းရံင္ကုဪေဒၝါ၀္ညိ၊ ဇကုဇကု ႓တ္ဟလုိင္လုဪ၊ ေက်၀္ဒၞံင္ေရာဟုီေတွ္ ဂံြတီဂံြညာတ္ေကတ္ နကုဪမတ္ဇကုဇကုရ။ လၸေထင္ေသာဲကုဪ ဇကုဇကုညိ။ လၸအုိတ္မံင္ဓတ္ကုဪ ဇကုဇကုညိ။ မႝိဟ္ပါင္ေ႓ဲေ႓ဲေလ၀္ အီေက်၀္၊ မႝိဟ္မတ္ေပ၀္ေပ၀္ေလ၀္ အီေက်၀္၊ မႝိဟ္ေငၝက္ခ၀္ခ၀္ေလ၀္ အီေက်၀္၊ အီမံင္ေတွ္ ေက်၀္ဖအုိတ္ရ။ ဆဂး မႝိဟ္ခ်ဴလိက္ဏအ္ အီဟံြေလပ္ဏီပုဟ္၊ ဗေတာန္အီမံင္ဖုိဟ္ရ။

မႝိဟ္လၝဳဪဂွ္ ေၾကာံေလာန္အာ၊ ျဇာဲေလာန္အာ၊ ဗစံက္ေလာန္အာ အုိတ္ဒၞံင္ဓတ္ အီဟံြမာန္။ ညးလၝဳဪလၝဳဪဂွ္ ဒးဒွ္ဂကူမန္၊ ဒးဟုီအေရ၀္မန္ ဂြမံင္၊ေဍာတ္မံင္စုိတ္ အီထ႟းကုဪဂကူဇကုဟံြမာန္ ၿဇိဳင္ဒၞံင္စုိတ္ရ။ ဂကူပုိယ္ မုဂကူေရာ.. ခ်ပ္ရံင္၊ လၝတ္ရံင္ ခ်ဳိတ္ခ်ဳိတ္ပႜိဳတ္ပႜိဳတ္စမ္... ဂကူပုိယ္ ဂကူမိေစာဗု၊ ဂကူဧကရာဇ္ တႜညးရာဇာဓိရာဇ္၊ ဂကူသဂံင္ဗညာဓရာံ၊လၢန္အိန္ တအ္ဟံြေသင္ဟာ.. ဂကူဍိက္ပႜက္ဂႜဳဲတအ္ ဟံြေသင္ပုဟ္။ ရံင္ကုဪညာတ္မံင္ ဇကုဇကုကုီ၊ ဂကူပုိယ္၊လိက္ပတ္ပုိယ္၊အေရ၀္ပုိယ္ ႓ုိတ္လုဪသႜဳင္ျပဲဒၞံင္ေရာဟုီဂွ္ ပုိယ္ေကာန္ ဂကူမန္တအ္ သုီညးဖအုိတ္ ကုဪဂံြညာတ္ညိ၊ ကုဪတီလ၀္ညိ။ သြက္ညးခ်ဴ လိက္ဏအ္ဟုီေတွ္ ဂံြဒွ္ဂကူမန္၊ ဂံြဟုီအေရ၀္မန္ေတွ္ ကႜတ္အီဒၞံင္ ဿစုိတ္ေတံ သၝိတ္သၝိတ္ရ။ ဂကူပုိယ္ ႓ုိတ္လုဪသႜဳင္ျပဲဒၞံင္ေရာ ေထက္ကုဪေကတ္ဂုဏ္စရာဲ၊ ေထက္ကုဪမိပ္စုိတ္ရ ဟံြေသင္ဟာ။ အီထ႟းကုဪ ဘ၀ဇကု ကုဪဂြံမာန္အုိတ္ညိ။ တုဲပႜန္ ညံင္ဂံြအီကဪု ညးဂႜးတိတအ္မာန္ဂွ္ေလ၀္ ဒးလြှပရာလ၀္ကုီ။ ညာတ္မုက္ ႀတဳံျဗၜဇကု၊ ညာတ္မုက္ေကာန္ဇာတ္ဇကုေတွ္ အီတုိန္၊ ညာတ္ညးတႝဟ္ေတွ္ ပတုီလ၀္မုက္မတ္ ညံင္ရၜကႝဳဲဒးခရံက္ေလ၀္ ဟံြေစွ္ကုဪသဘာ၀ရ။

အခိင္လၞဳဟ္ သၝှမႜာ္ရံင္အာ ဂႜးတိဏအ္စမ္... ေခတ္ေကာမ္ဗ်ဴတာ၊ ေခတ္ေအန္တာေနတ္၊ စပ္ကုဪပေရင္ဆက္ေစႜာံ ညးသၠအ္ေလ၀္ ေလာဲသြာ၊ စပ္ကုဪဒက္မိတ္သဟာဲ ညးသၠအ္ေလ၀္ေလာဲသြာ၊ စပ္ကုဪဒး႐ုီဗင္၊ထံက္ပင္ ညးသၠအ္ေလ၀္ ဂတာပ္ေခတ္၊ ေခတ္ဏအ္ ေခတ္ပၚ၀ါဒ၊ပၚကဆံင္ ညးသၠအ္ဟံြေသင္ရ။ ဒွ္ေခတ္ ဒးပံင္ေကာံညးသၠအ္၊ ဒွ္ေခတ္ ဒး႐ုီဗင္မင္မြဲ ဆာန္ညးသၠအ္ရ။ ျခာဟံြလအ္ကႜဳင္ေတံ ဘဲအႏၱရာယ္သဘာ၀ ေကာ္ဂး `Sunami´ ကတုဪဒွ္ကႜဳင္ဂွ္ မေလပ္ၿပိဳက္ဂစုိတ္ေကႜံ လမ်ဳီမႝိဟ္တအ္ ႓ုိတ္(၁၆၀၀၀၀)တႜရ။ ဿကုဪလိက္ပ႐ုိင္ေတံ ညးထမံက္ထ႟းလ၀္ ဂလုိင္ဏအ္ရ။ သၝိဌာန္၊ဍဳင္ကြာန္ မႝိဟ္တအ္ေလ၀္ လုီလာ္၊စာ္ေထာင္အာ ဂႜိဳင္ကုဪကုိဋ္ရ။ ဂေကာံကုလသမဂၢ(UN)တအ္ကုီ၊ ဂေကာံညးဂႜးတိဇုိင္စာင္ဍာဲ(World Red Cross)တအ္ကုီ ကုဪအ႐ုီဗင္ ယုိက္ဒုိက္ထံက္ပင္ မပတံကုဪ ပုင္သြ၊ကြာင္႓ဲ ဗြိဳက္လတက္၊ကယ်ဳိင္ကယ်၀္ ဂဥဳဲဇဗနာနာသာ္၊ အၥာသ၀္၀ှယဲတအ္ေလ၀္ ကုဪအ႐ုီဗင္ကုဪ ေကာန္ဍဳင္ကြာန္ ညးမဒွ္ဒဒုိက္တအ္ဂွ္ရ။ ႏူကုဪဍဳင္ဂ်ပါန္ေတံကုီ၊ ႏူကုဪဍဳင္အေမရိကာန္တအ္ဒွ္တမ္ ႐ုီဗင္၊မင္မြဲညးသၠအ္အုိတ္ရ။ ရံင္ေကတ္ကုဪပုိဒ္ သာ္ဏအ္တုဲ အမ္သ၀္မိပ္တုိန္ အဿစုိတ္ေတံ ဗြဲမေလာန္ရ။ ဒဒွ္ရ ညးတအ္စံြ ဓ၀္ေမတၱာ၊က႐ုဏာ လတူညးမအာစုိပ္ ဒဒုိက္တအ္ဂွ္ ေထက္ကုဪဒးေကတ္ နဲကဲ မဒွ္ရ။ ဗုီလုဪညးယုိက္ေဂႜင္ တာလ်ဳိင္မႝိဟ္တအ္ေရာ.. ဂွ္ ေထက္ကုဪဒး အမ္သ၀္ရ။ အေရ၀္ဂႜးတိ ညးတအ္ဟုီစ `The Global Village´ ကြာန္ ညးဂႜးတိ ရ။ ဍာံဍာံေတံ ပုိယ္မံင္လတူဂႜးတိ မံင္သၞ၀္သၞိင္တၝဲ၊ သၞ၀္သၞိင္ဂိတု တုပ္တုပ္ရ။ မုသြက္ဒးပၚကဆံင္ညးသၠအ္ ဟံြမြဲဍာံဍာံရ။ ဍာ္ၾကဳင္ေဇႝာ္ဂမႜိဳင္ ေဇြာ၀္လုပ္ကႜဳင္ အဿ႓ှမွာသၞိတ္တုဲ ညံင္ရၜဒွ္အာမြဲဂေကာံကုီ၊ ပုိယ္မႝိဟ္တအ္ ေလ၀္ ကုဪဒွ္မြဲဂေကာံ၊မြဲကေရာမ္ ညံင္ေကာန္မြဲမိ၊ ညံင္မြဲအိန္ထံင္ မံင္မြဲကြာန္ကုီညိ။

စုိတ္ပုိယ္၊ဂႜမ္ႀသိဳဟ္ပုိယ္ ကုဪဒွ္ဒႝာဲတုဪကလုတ္ မဗှဇေဍာင္ပၠၜေမတၱာ၊ က႐ုဏာ၊ မုဒိတာတအ္ညိ။ လၸကုဪဒွ္ ဒႝာဲေလာဘ၊ ေဒါသ၊ မာန၊ အတၱတအ္ တန္တၜညိ။ ေဍာင္ပၠၜေမတၱာ၊ က႐ုဏာ၊ မုဒိတာ၊ ဥေပကၡာတအ္ ရာင္ကၜဒၞံင္ ဿဂႜမ္ႀသိဳဟ္ ပုိယ္တအ္ေတွ္ ဇၞာပ္ဇၞာပ္မႝိဟ္ပုိယ္ဆုဪဂွ္ ဟံြပၚကဆံင္ အီထ႟းကုဪညးသၠအ္ ဗြဲမေက်၀္ေက်၀္မာန္ မဒွ္ရ။ ပြမအီဟုီဂွ္ ဇၞာပ္ဇၞာပ္မႝိဟ္ဒးစုိတ္၊ ဇၞာပ္ဇၞာပ္မႝိဟ္ မိက္ဂံြဆုဪ၊မိက္ဂံြဗုဪရ။ ညးတႝဟ္အီကႜဳင္ကုဪဇကုေတွ္ ဇကုညာတ္ဒး ဂံြျဇဟတ္စုိတ္၊ မိပ္စုိတ္၊ ဇကုအီကုဪညးေတွ္ ညးေလ၀္ မိပ္စုိတ္၊ဂံြျဇဟတ္ကုီရ။ ဟုိတ္ဒွ္သာ္ဂွ္ရ ညးမြဲေကုာံညးမြဲ ညာတ္ညးသၠအ္ေတွ္ လၸစံြဓ၀္မာန အီၿဂိဳင္ဆက္မိတ္ညးသၠအ္ညိ။ ဘာသာအဂၤလိက္ဂွ္ ဆအယာံမာတ္ ဒွ္ဘာသာဂႜးတိညိေကံြ၊ ဇၞာပ္ဇၞာပ္မႝိဟ္ ကႜိဳဟ္ေကတ္ဟံြမာန္။ ပြမအီဟုီဂွ္ ဒွ္ဘာသာဂႜးက၀္ရ။ ေခတ္အုိတ္အာဟံြမြဲ ဂတာပ္ဒၞံင္ေခတ္လၞိဳန္၊ ေက်၀္ဒၞံင္လၞိဳန္ရ။ ၾယၜမႝိဟ္မြဲ မိက္ဂံြေက်၀္ေတွ္ မံင္အီအီညိ။ မိမေကာေဒံ မိတ္သဟာဲသၠအ္ရဲတအ္ ဂံြဗွ္ေကတ္လိက္ပေရင္၀ံြတုဲ ကုဪဂံြအီေလပ္၊ ကုဪဂံြအီမာန္တုဲ ကုဪဂံြဍိဳက္ေပင္တၜ အာယု၊ ၀ဏၰ၊ သုခ၊ ဗလ လၞိဳန္လၞိဳန္ညိဂွ္ ညးမခ်ဴလိက္ဏအ္ မိက္ဂံြေဖ်ံဏာေမတၱာ ဗြဲမၿဇိဳဟ္နက္ရအၜ။ ။

နာဲဟံင္နန္(ပါင္ကၞာ)

Read More...