ႏံြပၞိက္ကုဪအေခါင္ဗႜး႓းဍာံမၢး

ပုိယ္မႝိဟ္ဂ်ဳိင္တန္တၜဒၞံင္ ဿေလာကေဇႝာ္ဏအ္၀ံြ ညးလုဪမြဲဟံြဟုီ စပ္ကုဪပေရင္ ဘ၀ပုိယ္မႝိဟ္မၢး ညံင္ဂံြသာယာမာန္၊ ညံင္ဂံြေဖါအ္ေျဗ၀္မာန္၊ ညံင္ဂံြေတၞင္တၞဟ္ ႏူညးဂမႜဳိင္မာန္ ႐ုန္ဂစာန္တတ္ထပၚကႜဳင္မံင္ သုီညးဖအုိတ္ရ၊ ပုိယ္မႝိဟ္ အေဃာဂ်ဳိင္မံင္ဏအ္ တင္ရန္တၞအ္မတြံဂး သြက္ဗုင္ဂႝၜေကုာံ သြက္ဂေကာံ သၝိကၞိန္ဇကုဂွ္ ဒးဒုင္ေကတ္လ၀္တာလ်ဳိင္ ေဇႝာ္အုိတ္ရ၊ ညံင္တာလ်ဳိင္သာ္၀ံြကုီ စပ္ကုဪပေရင္ ဂကူမန္ပုိယ္ေလ၀္ ကိစၥေဇႝာ္အုိတ္၊ ပၞိက္ေဇႝာ္အုိတ္ဂွ္ မုေရာ.. ယ၀္ရဂႜိဳက္ဂႜာဲစမ္႓တ္ကႜဳင္မၢး သြဟ္ေဍံေဂႜံေဂႜံဂွ္ `အေခါင္ဗႜး႓း´ မြဲေဟင္ရ၊ ဂကူပုိယ္ ယ၀္ႏံြပၞိက္ကုဪ အေခါင္ဗႜး႓းဍာံဍာံမၢး ညံင္ဂံြကလိဂံြ အေခါင္ဗႜး႓း ျပဟ္ျပဟ္ဂွ္ ဒွ္တာလ်ဳိင္ဂကူ ပုိယ္ေရာင္။

`တာလ်ဳိင္´ ဟုီဂွ္ မုမုေရာ..
`တာလ်ဳိင္´ဟုီဂွ္ ကိစၥမြဲမြဲဗုီ၊ မြဲမြဲဂကူဏအ္ ႏူတမ္စုဪကုဪစုိပ္ေကႝာတ္ ညံင္ဂံြ အာစုိပ္ဒတုဲ ဒးယုိက္ေဂႜင္ဂွ္ေဟင္ မဒွ္ရ၊ ဟုီေသာင္ေသာင္မၢး အရာပြမယုိက္ ေဂႜင္ဂွ္ ေကာ္ခၜစတာလ်ဳိင္ရ၊ အခိင္လၞဳဟ္ သြက္ေကာန္ဂကူမန္ပုိယ္ ေသၢာံ ကလိဂံြ အေခါင္ဗႜး႓းဂွ္ စုိပ္ကႜဳင္ဇေရင္တုိင္ပႝး ေကာန္ဂကူပုိယ္တအ္ရ၊ လ်ဳိင္ ၀န္ႏံြမံင္လတူတုိင္ပႝး ဂကူပုိယ္တအ္ဂွ္ ညံင္ဂံြစုိပ္တရၜမာန္ ညးမြဲဒေလင္ အဲမြဲ ဓေလင္ ယုိက္ေဂႜင္ဏာသုီဖအုိတ္မၢး အေခါင္ဗႜး႓းဂွ္ ဗြဲစၞတ္ကလိဂံြမာန္ရ၊ ဒါတ္တိေဗႜတ္ေတွ္ေဗႜတ္အာရ.. အေခါင္ဗႜး႓းဂွ္ ဂကူပုိယ္ႏံြပၞိက္ဍာံ. ဂုိတ္ဂစာန္ ယုိက္ေဂႜင္ဍာံမၢး ဂံြေဗႜတ္အာႏူ သေကမ္တဲပုိယ္ဂွ္ ဟံြမြဲရ။

မပတံ က.ငၝဳဲ ဗႜးတိတ္အာ ႏူကတုိင္ဍာ္ျဂက္ဂွ္ ဒွ္အေခါင္ဗႜး႓းေဍံတအ္ရ၊
မပတံ ဂေစံ႓ုိပ္ ဗႜးတိတ္အာ ႏူပးဒႝက္ဂွ္ ဒွ္အေခါင္ဗႜး႓းေဍံတအ္ရ၊
မပတံ ႓ုိင္.ပွ္.မင္ျဒာဲ ဗႜးတိတ္အာ ႏူဘဲလၞဂွ္ ဒွ္အေခါင္ဗႜး႓းေဍံတအ္ရ၊

အခိင္လၞဳဟ္ဏအ္ ေကာန္ဂကူမန္ပုိယ္ဂွ္ ဒွ္မံင္ဘ၀ဍိက္ ညးဇိက္ေလ၀္ဒးဒုင္. ညး႓ုင္ေလ၀္ျဂိပ္ဒၜဟံြဂံြ. ညးဘပဠေလ၀္ ဒးေဖက္ဂၞံက္ဒၞံင္ရ၊ ဍာ္ အခိင္ႏံြဒၞံင္ ဿေခါက္တဲညးမၢး အတုိင္ပၞိက္စုိတ္ညးတအ္ ဖန္ဖက္ဏာဂွ္ ဒးဒုင္ဖအုိတ္ရ၊ နကုဪအာဏာ အသံပါင္ညးတအ္ လက္ေဒါန္.ဟုီထေ႓အ္မံင္ ပုိယ္ေကာန္ဂကူ တအ္ သုီဍာ္ရမတ္ဏီရ၊ ဍာ္ရမတ္ေကာန္ဂကူပုိယ္တအ္ ဓဇူေစွ္မံင္ေဖာ္ေဖာ္ ႓ုိန္ရဒွ္အာၾကဳင္လေဂါ၀္ ေဇြာ၀္ကေရာတ္မံင္ နာနာသာ္ကုီေလ၀္ ကေမႜာန္ ဇဲသတၱိမြဲ ယ၀္ရဂံြဓမံက္ထ႟း႐ုပ္ရၜမာန္မၢး စုိပ္မြဲတၝဲ ပုိယ္ဂံြအီျဂိဳင္ လတူလြှမာန္ နန္ထ၀္ မာန္မံင္ဏီရ။

တၝဲေကာန္ဂကူပုိယ္ ဗႜးတိတ္အာႏူ သၞ၀္ဂတာတဲ(ေခါက္တဲ)ညးတႝဟ္. တိတ္ဗႜး အာႏူ ဘ၀ဒးဓဇူဍာ္ရမတ္ဂွ္ေဟင္ ေကာ္ခၜစ အေခါင္ဗႜး႓းေဇတ္ေဇတ္ရ၊ ညံင္ ေသၢာံကလိဂံြ အေခါင္ဗႜး႓းဂွ္ ဗုိလ္မတြံဂး သတၱိ.ဇဲ.၀ှရိယ အာဂတပႜတရၜ တုဲ ဆက္ကြာ္အာ အၾကာတင္၀ါတ္ဂါတ္မၢး စုိပ္အခါမြဲတၝဲ ႓က္ၾသဳင္တတ္ထပၚအာ တင္၀ါတ္ဂါတ္ဏအ္တုဲမၢး ဂကူပုိယ္ႏံြပၞိက္မံင္ကုဪ အေခါင္ဗႜး႓းဂွ္ ဂံြဒုင္စ႐ွ္သာ ဍာံဍာံေရာင္။

အေခါင္ဗႜး႓းဏအ္ဂွ္ စာ္စႛးအာႏူ ေကာန္ဂကူတအ္တုဲ ေကႜာန္ဗဒွ္ပတိတ္ ေကတ္ျဇဟတ္. ဗေပင္ေကတ္စုိတ္ဓါတ္မၢး သဘၜဂံြကလိဂံြဂွ္ ဟံြမြဲကုဪအေလံရ၊ ဂကူပုိယ္ အေဃာေကႜာန္ပတိတ္မံင္ျဇဟတ္ သြက္ေကာန္ဂကူပုိယ္ ေသၢာံ ကလိဂံြ အေခါင္ဗႜး႓းဂွ္ ညးမြဲလပၚေတံ ကႜဳင္ပ်ဳတ္ေဗၵက္ပႛဳဪပႛဳိက္ ဓ႐ုိဟ္ဗဂုိဟ္မံင္ ညံင္ဂံြလုီလာ္ ေဒါမ္ကၞဳိင္အာဂွ္ ဿစုိတ္ဓါတ္ပုိယ္ ဂိကတၜႏူဏအ္ ႏံြမံင္ညိဏီ ဟာ.. ဒၞာႏူေကာန္ဂကူအယုတ္ ျဂအ္မန္တအ္ စံင္ဗဂုဪမံင္တုဲ ဘ၀ေကာန္ ဂကူတအ္ ဒးကတၜကတာန္ စံင္တူမံင္ရ။

ဂကူပုိယ္လၝဳဪတအ္ဂွ္ ဗြဲမၝးဏအ္ စံြလ၀္စုိတ္ဓါတ္ခုိဟ္ျပဲ ပပႝညံင္ညးဆာန္ဂကူ ေဇတ္တုဲ ဿဂႜမ္ၾသိဳဟ္ေတံ ငၝိတ္လ၀္ဂ်ိ. ကုဪမံင္ဒဒုိက္အႏၱရာယ္ကုဪ ဂကူပုိယ္ဂွ္ ဒးစံြသတိေဇႝာ္ေဇႝာ္ေရာင္၊ ညံင္ဟံြဂံြဒး ပးဒႝက္ေဍံတအ္ဂွ္ စံြသတိအုိတ္ညိ၊ ပးဒႝက္ဟုီဂွ္ ဒွ္အရာပြမဒးအာစုိပ္ ဘ၀ေဟာံျဗီဳရ၊ ဂေစံမြဲ ဒးပးဒႝက္မၢး ဆဂေစံမြဲဓ၀္ေဟင္ ဒးခ်ဳိတ္ရ၊ ပေရင္ေကာန္ဂကူ ဒးအာပးဒႝက္မၢး အလုံ ေကာန္ဂကူမြဲ ဒးအာစုိပ္ေဟာံျဗီဳရ၊ ဒးပးဒႝက္တုဲ ကေလင္႐ုန္ဂစာန္ ပ၀္ဂံြမံင္ ဏီညိဟာ.. ေကာန္ဂကူတအ္ ခ်ပ္ဗစာ.ပၚပဲါရံင္အုိတ္ညိ၊ ပၚပဲါဟုီဂွ္ ဒွ္ဒစုဪဒစး ဟံြေသင္.. သြက္ဂံြကလိဂံြ သြဟ္ဍာံမြဲေဟင္ရ ေကာန္ဂကူတအ္..။

တင္ပတ၀္ကႛိဳပ္ သြက္ဂံြကလိဂံြ အေခါင္ဗႜး႓းဂွ္ ဓ၀္ညှသာေလ၀္ ပါလုပ္လၞိဟ္ ကုီရ၊ ဒုဪတၞအ္သိႏၷရာဇ္ မႝဳံကုဪသႜဳင္ ၈၄၀၀၀-ေယာဇနာဂွ္ ႓ုိန္ရသႜဳင္ေလာန္ကုီ ေလ၀္ ဿေကာန္ဂကူတအ္ ဓ၀္ညှသာမြဲ ယ၀္ရႏံြမၢး ဒုဪတၞအ္သိႏၷရာဇ္ဏအ္ ပုိယ္ေကာန္ဂကူတအ္ ဓ႐ုိဟ္ဗေဒါမ္ေကႜံ မာန္ဏီရ၊ `ညှသာမြဲကေရာမ္ ဗေဒါမ္ဒုဪသိႏၷရာဇ္´ သာ္ဏအ္ ညးဂမႜဳိင္ဟုီဂးမံင္အုိတ္ရ၊ ဇုက္ေတာ၀္မြဲတႝဳင္ဂွ္ ႓ုိန္ရပုိယ္ ႓န္ဇုက္ဟံြဂံြကုီေလ၀္ ဇုက္ေတာ၀္ဂမႜဳိင္ ပံင္ပေကာံတုဲ႓န္မၢး စိင္ ႏံြမံင္ဿျဂိဳပ္ေဟမ၀န္ကုီေလ၀္ ပုိယ္ေကႜင္ဒက္ေကတ္ နကုဪဇုက္ဏအ္မာန္ဏီရ။

ညံင္ရၜသာ္ဏအ္ကုီရ မျဗဲမြဲမဂွ္ ႓ုိန္ရဗဒွ္ကုဪ ႓ှၾကဳင္ဟံြမာန္ကုီေလ၀္ မျဗဲဂမႜဳိင္ ပံင္ေကာံဂူေဖ်ံတုဲ ဒွ္အာ႓ှမွာသၞိတ္ မာန္မံင္ေရာင္ဂွ္ ေကာန္ဂကူမန္တအ္ ကုဪဂံြတီကႜိဳဟ္ေကတ္အုိတ္ညိ၊ ကႝိ.ဟံြမြဲကုဪကသုိင္.. ဒုိင္.ဟံြမြဲကုဪေသႝင္.. ေျပင္ဂႜၜ.ဟံြမြဲကုဪျဂင္.. ေကာန္ဂကူ.ဟံြမြဲကုဪ၀င္ ဂကူဟံြမြဲကုဪဓ၀္ညှသာဂွ္ ရံင္ဟံြဒွ္စရာဲ ကႜာဲသက္သက္ ၾကက္ဟံြမြဲေရာင္၊ သတ္ျဗာတ္ဂွ္ စဍာတ္ေကံြရ. ဆဂး တႝမ္ေဍံဂွ္ ၾကက္ဟံြမြဲတုဲ ပုိယ္သုိင္သၝိဟံြဂံြရ၊ ဓ၀္ညှသာေကာန္ဂကူ တအ္ဂွ္ ယ၀္ရဒွ္ၾကက္ဂကူ ဍာံဍာံမၢး ဘ၀ေကာန္ဂကူပုိယ္ သဘၜဂံြတႝီဗႜိဳက္ မြဲ၀ါပႜန္ဂွ္ ေသၝာဲႏူကုဪ ဂႜးအာကာသေတံဏီရ။

`ကႛဟ္ဂ်ိဂွ္ ဒွ္သႝအေခါင္ဗႜး႓းရ´ ညးအာဂတ ပႜတရၜမြဲဂွ္ တီမံင္ပေရင္ဍဳင္ကြာန္ အုိတ္သုီကုီေလ၀္ ကႛဟ္ညးဂွ္ ယ၀္ဒွ္မံင္သတ္ဂ်ိ(သတ္အိက္အာ္)မၢး သဘၜဂံြ အာစုိပ္တုိင္ပကၜ ဗြဲမေလာဲသြာဂွ္ ဒွ္ဟံြမာန္ရ၊ ကႛဳိပ္သၠဳိပ္မၢးဂွ္ ဒးစံြလ၀္စုိတ္ဓါတ္ ညံင္ရၜပသဲကႛဳိင္တုဲ ကႛဟ္ခုိဟ္.ကႛဟ္ျပဲေလ၀္ ဒးသုင္ေစာဲ. သတၱိ.ဗ်တၱိေလ၀္ ၀ုိတ္ေထာံဟံြဂံြရ၊ သၸဍာ္ ၀ုိတ္ၾကဳင္. သၸဂႜဳင္ ၀ုိတ္ေသႝ၀္. သၸကေ၀၀္ ၀ုိတ္ကႝာဂွ္ ဟံြမြဲကုဪဂုဏ္အသ၀္ရ...

သၸကြးမၢး ဒးတ၀္ေစႝဟ္ကုဪပုစၧာ၊
သၸမႝိဟ္မၢး ဒးတ၀္ေစႝဟ္ကုဪမရဏ၊
သၸေကာန္ဂကူမၢး ဒးတ၀္ေစႝဟ္ကုဪသႝဂွ္ ဒွ္ဓမတာ မႝဳံကုဪအေလံမဍာံစၞတ္ေရာင္။

ေကာန္ဂကူလၝဳဪတအ္ဂွ္ ကလိဂံြလာဘ္ၾသန္ အၾကာဂကူသအာင္ညိညတုဲ ဘ၀ ဇကုဒးဂႜဳက္မံင္ သၞ၀္တဲညးတႝဟ္ဂွ္ ေထင္ဂးဇကု ႏံြမံင္ကုဪကဆံင္သႜဳင္ ဖုိဟ္ရ၊ သႜဳင္လ၀္မာန ပကုိင္လ၀္ေႏွ၀္ဂ်ိတုဲ အဲဂွ္ ကလိဂံြလ၀္ ဌာနႏၱရ သႜဳင္ေလာန္ေကံြေရာင္ ေစွ္စုိတ္ဗုီဏအ္တုဲ ဟုီၾကီဳမံင္နကုဪ အာဏာအသံပါင္ ကတုဪမံင္ဟရံင္ကုဪ ေကာန္ဂကူဇကုဏီဂွ္ ဿစုိတ္ဓါတ္ညးမဆာန္ဂကူတအ္ ဂိဓေဇာတ္အာ စုဪကုဪစုိပ္႓၀္ဇုတ္ေတံရ၊ သတ္ျဗၜအလုံမြဲႏွိင္ ညးဂးညးေၾကာအ္ အဲဂးဍာ္ဍာတ္ ကယ်ာန္ဓ၀ါတ္မံင္ဂွ္ ဟံြေတၞင္တၜမြဲသာ္ဏီရ၊ ကာလညးဗာ္ေဖ်ံမၢး အလုံမြဲႏွိင္ ျပဟ္စုိပ္တိသုႏၶရှဖအုိတ္ဂွ္ ေကာန္ဂကူဆီအယုတ္တအ္ ယ၀္ရ ကေလင္ဂံြသတိဏီမၢး ဒွ္မံင္ဂုဏ္ဖုဪ သြက္ဂကူဏီရ။

ေကာန္ဂကူတအ္ ကတ္ဗေတာန္လြှပရာမံင္ ပညာဂကူတႝဟ္သအာင္ဂွ္ သြက္ဂံြကႜိဳဟ္ခႜင္အာ လပၚဘာသာေဍံတအ္တုဲ လြှပရာမံင္ဟာ.. ညံင္ဂကူဇကု ဂံြပတ၀္ၾသိဳဟ္ကုဪ ဂကူတႝဟ္မာန္ဂွ္ လြှပရာမံင္ဟာ..ဂွ္ တင္ရန္တၞအ္ ေကာန္ဂကူတအ္ေဟင္ ဒွ္ပဓာနရ။

`ဂႜဳင္သာေတွ္ ဂတာလုိက္.. စုိတ္သာေတွ္ ဒွ္ဒဒုိက္..´ အေရ၀္ညးဟုီလ၀္ ႏံြမံင္ရေသင္ဟာ၊ ကေမႜာန္ကိစၥမြဲဂႜံင္ ေကႜာန္ဏာ စုိတ္ဓါတ္ဟံြလုပ္စမၢး အလုုံမြဲဘ၀ဟံြက သဘၜဂံြအာစုိပ္ တုိင္ပကၜမာန္ဂွ္ေလ၀္ ဟံြေလာဲသြာရ၊ ဟုိတ္ဂွ္ရ `မွာမြဲဘ၀ ပေရံလက္က၀္.. ခုိဟ္မြဲဘ၀ လအ္လဂတ၀္၊ ႓ံက္ေဖ်ံေတွ္သ၀္.. ဗ၀္ပတုိန္ေတွ္သႜဳင္၊ ဂံြသ၀္ဂံြသႜဳင္ ကႜဳင္ႏူစုိတ္ဓါတ္..´ ဂွ္ ဒွ္ဍာံစၞတ္ေကံြေရာင္။

ညးမဆာန္ဂကူေဇတ္ေဇတ္တအ္ဂွ္ ဘ၀ညးတအ္ ႓ုိန္ရလင္ေဇြာ၀္မံင္ ညံင္ရၜ တုိင္ပႝာင္မြဲတုိင္ကုီေလ၀္ ရန္တၞအ္ကုဪသြက္ေကာန္ဂကူတအ္ ဂံြလ်းတၞးတုဲ ပတိတ္မံင္ျဇဟတ္ ဂုိတ္ဂစာန္လြှပရာမံင္ ပေရင္လိက္ပတ္၊ေယန္သႝာင္မန္ တအ္ဂွ္ ေထက္ကုဪဒးအမ္သ၀္ေကံြရ။

နာဲတအ္ ယ၀္ရဆာန္ဂကူဍာံဍာံမၢး တာလ်ဳိင္ဂကူမြဲမြဲသာ္ ဒးယုိက္ေဂႜင္. ဒးေရင္တႜဳင္ေထက္ေရာင္၊ ရပ္လြဟ္မာန္မွ ဒွ္ညးဆာန္ဂကူတြဳဪဟံြေသင္.. ဇၞာပ္သၞန္ပါင္မဟုီတုိန္ ပေရင္ဍဳင္ကြာန္ေလပ္ဂွ္ေလ၀္ ဒွ္ညးဆာန္ဂကူဖအုိတ္ ဟံြေသင္ရ၊ လိက္ပတ္မန္. ေယန္သႝာင္မန္. ညံင္ဂံြမံက္ဂတ၀္အာ လတူဂႜးက၀္ ဏအ္မာန္ ယ၀္ရဂုိတ္ဂစာန္ ပတိတ္ျဇဟတ္ ေကတ္တာလ်ဳိင္မၢး ဒွ္ညး ဆာန္ဂကူေဇတ္ေဇတ္ရ၊ တာလ်ဳိင္ေကာန္ဂကူ ဂံြေျပျပံင္မာန္ သာ္လုဪဒး ေကႜာန္. သာ္လုဪ ဒးပတိတ္ကသပ္. သာ္လုဪဒးမင္မြဲအာဂွ္ ယ၀္ရကူခ်ပ္ ဂံြမံင္သတိ ဏီမၢး ျပဲႏူကုဪ ညးမဆာန္ဂကူ ဂဇအ္မံင္လတူသၝိဏီရ။

ေကာန္ဂကူလၝဳဪတအ္ဂွ္ လိက္ပတ္ဇကုေလ၀္ ဟံြပကာ. ဂံြဟုီအေရ၀္ဂကူ သအာင္ မြဲမမြဲပါင္မၢး ေထင္ဂးႏံြကုဪရွ္သာ. ဂံြက်ဳိင္ကယ်ဳိင္ကယ်၀္ ဂတာပ္ ေခတ္မၢး ေထင္ဂးေက်၀္ေဂါ၀္မံင္အုိတ္ရ၊ လညာတ္ညးတအ္ဂွ္ ဒွ္မံင္ညံင္ရၜ `စးဒွ္လပၚဗုင္ ဂႜဳင္ႏံြလတူဒုဪ´ ကုီ ဟုီစဂံြရ၊ ဂဇအ္မံင္လတူကြှတုဲ ယုဪယုိက္လ၀္ ေအွာ္စန္ဂွ္ ျဇိဳင္ဟာ.. မံင္လတူတိမန္တုဲ ယုဪယုိက္လ၀္ဂကူသအာင္ဂွ္ ျဇိဳင္ဟာ..ဂွ္ ေကာန္ဂကူလၝဳဪတအ္ ဂႜာဲတၜသြဟ္ဟံြဒးေလ၀္ ႏံြမံင္ဗ၀္သအှရ။

ေကာန္ဂကူတအ္ ေက်ာ၀္ရံင္စမ္.. ဿကုဪဂေကာံကၞိန္ဍဳင္ဗၞာဏအ္ တၝဲမာတ္ ကေမႜာန္ ႏံြမံင္ဗြဲမဂႜိဳင္ဂႜင္ရ၊ ႓ုိန္ဂွ္ေလ၀္ စပ္ကုဪ `တၝဲေကာန္ဂကူမန္´ ပုိယ္ ဗႝတ္မြဲတၝဲဓ၀္ေလ၀္ ေဍံတအ္ဟံြသၸစၞတ္သမၱီသက္သက္ဂွ္ ေထက္ကုဪဒးအမ္သ၀္ ေကံြရ၊ ေထက္ကုဪဒးသိင္သာေကံြရ။

ေလာန္ကႜဳင္မြဲအခိင္ေတံ ကႛိဳပ္သၠိဳပ္ဂကူမန္ပုိယ္ဂမႜိဳင္ ပုိယ္ေကာန္ဂကူမန္ မြဲဂကူဏအ္ တၝဲခုိဟ္တၝဲျပဲမြဲတၝဲ ဒးႏံြေထက္ေရာင္. သာ္တၜသာ္ဏအ္တုဲ ပတမ္ႏူ ေကာန္သၞိင္မန္ သမလကုဪ၀ိမလ ေကာကုဪေဒံညး႓ါ သုိင္ခႝံဗဒွ္လ၀္ဍဳင္နန္ ဿဍဳင္ဟံသာ၀တှ(ဗေဂါ) ဿကုဪသကၠရာဇ္ ၁၁၁၆-သႝာံ. ဂိတုမာ္မြဲေစြက္. တၝဲစန္တုဲ ညးတအ္ခုတ္ခၜစလ၀္ `တၝဲေကာန္ဂကူမန္´ မဒွ္ရ၊ ပတမ္ႏူအခိင္ဂွ္တုဲ စုိပ္ကုဪစုိပ္ကႜဳင္ အခိင္လၞဳဟ္ဏအ္ ညးမဆာန္ဂကူတအ္ ေကတ္တာလ်ဳိင္ ယုိက္ေဂႜင္မင္မြဲကႜဳင္လ၀္ဂွ္ ဒွ္ဂုဏ္စရာဲ အာဲကၞာဲဂကူမန္ပုိယ္ ျဇိဳဟ္ျဇိဳဟ္ နက္နက္ရ။

ဂေစံ႓ုိပ္ အေဃာပ၀္ကဠာင္မံင္ လတူအာကာသေတံဂွ္ က်ာေမလံင္တအ္ ႓ုိန္ရပုိက္ၾကာန္ကႜဳင္ကုီေလ၀္ ဟံြစုိပ္ခေပဲါဏီမၢး ဟံြယွအ္ေကႜံလြှဏီရ၊ ညးမ ဆာန္ဂကူ ေဇတ္ေဇတ္တအ္ဂွ္ေလ၀္ လ်ဳိင္၀န္ယုိက္ေဂႜင္လ၀္ လတူတုိင္ပႝးဂွ္ ႓ုိန္ရဂိသေက၀္ ေဍာင္႓ုိတ္ေလာန္ကုီေလ၀္ ဟံြစုိပ္တရၜတုိင္ပကၜဏီမၢး ဆက္ကြာ္ အာမံင္ဏီရ၊ လၝဳဪဂွ္ ဗုီဏအ္ဟံြေသင္ ဆ႓ုိတ္ဂံါကြာ္တိတ္အာ တရၜမြဲလဂံါဓ၀္ဂွ္ ေထင္ဂးၾကပ္ေညာန္မံင္ကုဪ တုိင္ပကၜယ်.. သြက္ဂံြဂံါကြာ္အာ တရၜႏံြမံင္ လၝီလက္ေယာဇနာဏီဂွ္ ၀ုိတ္မံင္သတိအုိတ္ရ။

ယံြေကာန္ဂကူတအ္ ယ၀္ရေကာန္ဂကူတအ္ ႏံြပၞိက္မံင္ကုဪ အေခါင္ဗႜး႓း ဍာံဍာံမၢး စုိတ္ဓါတ္ညံင္ဂံြကလိဂံြ အေခါင္ဗႜး႓းဍာံဍာံဂွ္ေလ၀္ ဒးလြှလ၀္ကုီေရာင္၊ အာကာသဂံြေက်၀္ဂွ္ေလ၀္ ဒၞာႏူမတ္ျဗဲရ.. လ်းဂိတု ဂံြဂႜဳဓုီအာဂွ္ေလ၀္ ဒၞာႏူမတ္ျဗဲပႜန္ရ.. ညံင္ရၜသာ္ဏအ္ကုီ ေကာန္ဂကူတအ္ ဂံြအာစုိပ္အေခါင္ ဗႜး႓းဂွ္ ဒၞာႏူစုိတ္ဓါတ္ ေကာန္ဂကူတအ္ရ၊ ညံင္ေကာန္ဂကူတအ္ ဂံြဒးအာစုိပ္ဘ၀ဍိက္ဂႜဳဲဂွ္ေလ၀္ ဒၞာႏူစုိတ္ဓါတ္ ေကာန္ဂကူတအ္ပႜန္ရ၊ အခိင္တၝဲဏအ္ ေကာန္ဂကူတအ္ မုႏံြပၞိက္အုိတ္ေရာ.. ပုိက္တမ္ဂႜာဲ႐ုိဟ္ ဂႜာဲရံင္သြဟ္ဍာံဍာံမၢး `အေခါင္ဗႜး႓း´ ရဟံြေသင္ဟာ ေကာန္ဂကူတအ္...။

မိသုိက္လွိင္(ကြာန္လွာ)